გადმოგირეკავთ
რა არის ინტერვენციული რადიოლოგია?
განყოფილებას, რომელიც აერთიანებს რადიოლოგიურ ვიზუალიზაციის მეთოდებს ქირურგიულ ტექნიკასთან, ამასთან, ხელს უწყობს დაავადებების დიაგნოზსა და მკურნალობას, ეწოდება ინტერვენციული რადიოლოგია. ინტერვენციული რადიოლოგიის ეფექტურობა კიდევ უფრო გაიზარდა მაღალტექნოლოგიური ვიზუალიზაციის მოწყობილობების გამოყენებით. დიაგნოსტიკისა და მკურნალობის პროცედურებში, რომლებიც ტარდება კანზე მინიმალური ინვაზიებით, ჩარევა სამიზნე ორგანოზე შეიძლება იყოს ინტრავენური ან ექსტრავასკულარული.
სამიზნე ორგანოს გამოსაკვლევად მიმართავენ კომპიუტერული ტომოგრაფიას, ანგიოგრაფიას, მაგნიტორეზონანსული ან ანგიოგრაფიულ გამოკვლევებს. მკურნალობა ტარდება სხეულისთვის უვნებელი მასალების გამოყენებით და ხელმძღვანელობენ ვიზუალიზაციის მეთოდებით. პროცედურები ტარდება ადგილობრივი ანესთეზიით და ინტრავენური დამამშვიდებელი მედიკამენტების ფონზე, პაციენტისთვის რაიმე სერიოზული ტკივილის მიყენების გარეშე.
იმ შემთხვევებში, როდესაც ქირურგიული მკურნალობა სარისკოა, მიზნობრივი მკურნალობა შეიძლება ჩატარდეს ბევრად უფრო უმტკივნეულოდ და ნაკლები ტრავმით. მას აქვს მნიშვნელოვანი უპირატესობები, როგორიცაა ჰოსპიტალიზაციის პერიოდის შემცირება, რაც პაციენტს საშუალებას აძლევს უფრო ადრე დაუბრუნდეს სოციალურ ცხოვრებას.
ინტერვენციულ რადიოლოგიურ პროცედურებს ატარებენ ამ სფეროში გადამზადებული სპეციალისტი ექიმები და ასისტენტთა ჯგუფი. სწორი ექიმის პოვნა, რომელიც სპეციალიზირებულია ინტერვენციულ რადიოლოგიურ მეთოდებში, არის გასაღები უფრო მარტივი და მიზანმიმართული მკურნალობისთვის. ჩვენს ჯანდაცვის დაწესებულებებში ინტერვენციული რადიოლოგიური პროცედურები ტარდება გამოცდილი პერსონალის მიერ.
რა კონკრეტულ პროცედურებს ატარებს ინტერვენციული რადიოლოგიური განყოფილება?
ცერებროვასკულური დაავადებები
- თავის ტვინისა და კისრის სისხლძარღვებში სტენოზისა და ობსტრუქციის გახსნა
- სისხლძარღვშიდა თრომბის მოცილება ინსულტის დროს
- ბუშტის (ანევრიზმის) ან სისხლძარღვთა სიმსივნის გამო სისხლდენის ან სისხლმდენი სისხლძარღვების მკურნალობა
სხეულის არტერიული და ვენური სისხლძარღვების დაავადებები
- ფეხის და მკლავის დახშული ვენების გახსნა, ბალონ-სტენტის გამოყენება
- თირკმელების, ნაწლავების და ფილტვების დახშული სისძლძარღვების გახსნა.
- ზედმეტად გაფართოებული ვენების (როგორიცაა ვარიკოზული ვენები) ან თანდაყოლილი ვენური კვანძების აღმოფხვრა.
- ფეხებისა და სხვა დიდი ვენების გასუფთავება თრომბებისგან დ ა სისხლძარღვში სპეციალური ფილტრის მოთავსება
პოსტტრავმული სისხლდენები - სხვა შიდა სისხლდენები
- სიცოცხლისათვის საშიში სისხლდენის შემთხვევაში, როდესაც სტანდარტული მკურნალობა და ქირურგიული ჩარევა ვერ იძლევა შედეგს, სისხლდენის კერაზე ზემოქმედებით ხდება სისხლდენის შეჩერება
- ციროზული სისხლდენის დროს ღვიძლის ვენასა და მთავარ ვენას შორის ბილიკის შექმნა წნევის შესამცირებლად (TIPS პროცედურა)
სიმსივნის ემბოლიზაცია
- სისხლძარღვებით მდიდარი სიმსივნეების დაპატარავება ოპერაციამდე ინტრავასკულარული ოკლუზიის მეთოდით
- მტკივნეული, სისხლმდენი საშვილოსნოს მიომების მკურნალობა საშვილოსნოს ამოღების გარეშე
დიალიზი და ვენის კათეტერიზაცია
- დიალიზზე მყოფ პაციენტებში დაბლოკილი ფისტულების გახსნა
- მუდმივი დიალიზის კათეტერის წინასწარ განთავსება პაციენტებში, რომელთა ფისტულა არ არის გახსნილი.
- კანქვეშა კათეტერის განთავსება (პორტის კათეტერი) კიბოს მქონე პაციენტებში
კიბო
- ემბოლიზაციის პროცედურა გულისხმობს სიმსივნურ ორგანოზე წვდომით სიმსივნის მკვებავ სისხლძარღვში ქიმიოთერაპიის ან რადიოაქტიური მასალის შეყვანას
- სიმსივნის აბლაცია არის სიმსივნის განადგურების პროცესი. აბლაციის დროს სიმსივნურ ქსოვილზე წვდომა ხდება კანზე გაკეთებული მცირე ჭრილობებით ვიზუალიზაციური მეთოდის დახმარებით. აბლაციის პროცესში შესაძლებელია სიმსივნის განადგურება ისეთი მეთოდების გამოყენებით, როგორიცაა რადიოსიხშირული, მიკროტალღური, კრიოთერაპია და ელექტროპორაცია (IRE). თითოეულ მეთოდს აქვს განსხვავებული უპირატესობები. კიბოს მკურნალობისას ინტერვენციული რადიოლოგიური პროცედურები შეიძლება გამოყენებულ იქნას ბევრ სიმსივნურ ორგანოზე (როგორიცაა ღვიძლი, პანკრეასი, ფილტვები, თირკმელები, პროსტატა, სარძევე ჯირკვალი, ფარისებრი ჯირკვალი, ძვალი).
კისტა-აბსცესი-სითხის დრენაჟები
ღვიძლის, ელენთის კისტის, ჰიდატიდური დაავადების დროს პარაზიტული კისტის მკურნალობა.
ნაღვლის სადინარის დრენაჟი
კენჭებით ან სიმსივნეებით დახშული სანაღვლე გზების გახსნა, ბალონით და სტენტირებით
საშარდე გზების დრენაჟები
დახშული საშარდე გზების გახსნა: ნეფროსტომია, ცისტოსტომია და DJ სტენტირება
ნემსით ბიოფსიები
დიაგნოსტიკის მიზნით პათოლოგიური, მიკრობიოლოგიური ან გენეტიკური ანალიზის ჩასატარებლად ქსოვილის, სითხისა და უჯრედის ნიმუშების აღება, ორგანოთა ბიოფსიები (ფილტვი-ღვიძლი-პანკრეასი-თირკმელი-ძვალი-ფარისებრი ჯირკვალი, ლიმფა).
