გადმოგირეკავთ
რა არის კვების და დიეტოლოგიის განყოფილება?
სწორი კვება ჯანსაღი ცხოვრების ერთ-ერთი გასაღებია. დაბალანსებული და რეგულარული კვება ითვლება მრავალი დაავადების თავიდან აცილების სწორი კვებაა. საავადმყოფოებსა და ჯანდაცვის სხვა დაწესებულებებში, განყოფილებას, რომელთა მიზანია პაციენტების ცხოვრების ხარისხის გაუმჯობესება და უფრო ჯანმრთელი სხეულის უზრუნველყოფა მეტაბოლური აქტივობების შესაბამისი კვების გეგმის გამოყენებითა და ჯანსაღი და დაბალანსებული დიეტით, კვების და დიეტის განყოფილება ეწოდება.
კვების და დიეტოლოგიის განყოფილება ემსახურება ადამინებს მრავალი დაავადებისა და მდგომარეობის დროს, როგორიცაა ჯანსაღად წონის მომატება და წონის კლება, დიაბეტის მქონე პაციენტებისთვის და ორსულებისთვის სათანადო კვების რაციონის შედგენა.
რა დაავადებებს მკურნალობს კვების და დიეტოლოგიის განყოფილება?
როგორც ზემოთ აღინიშნა, კვების და დიეტოლოგიის განყოფილება ფართო დარგია. ამ განყოფილებაში პაციენტებს უწევენ ფართო სპექტრის მომსახურებას, ბავშვობის პერიოდიდან ორსულობამდე, სხვადასხვა დაავადებებიდან დაწყებული ინდივიდუალური კვების რაციონის შედგენამდე. პასუხი კითხვაზე, თუ რომელ დაავადებებს მკურნალობს კვების და დიეტოლოგიის განყოფილება დეტალურად არის წარმოდგენილი ქვემოთ.
1. წონის ჯანსაღი კლება
წონის პრობლემა ჯანმრთელობის იმ პრობლემებს შორისაა, რომელსაც ბევრი უჩივის. იგი ბევრ დაავადებას იწვევს. ჭარბი წონის პრობლემა, რომელიც თითქმის ყველა ასაკში ჩნდება, შეიძლება მოგვარდეს დიეტოლოგის მიერ შემუშავებული კვების გეგმის დახმარებით და შედეგად გაიზარდოს ადამიანების ცხოვრების ხარისხი.
2. წონის ჯანსაღი მომატება
როგორც ჭარბწონიანობის, ასევე წონის დეფიციტის შემთხვევაში საჭიროა დიეტოლოგის დახმარება. წონის დეფიციტი საყურადღებო მდგომარეობაა, რადგან მან შეიძლება გამოიწვიოს კუნთების განლევა, ძვლების დასუსტება და ორგანოების დაზიანება. ამიტომ, მათთვის, ვისაც წონის მომატების პრობლემა აქვს, მნიშვნელოვანია გაიარონ კონსულტაცია კვების და დიეტოლოგიის განყოფილებაში, რათა სისხლის ანალიზის მაჩვენებლები დაუბრუნდეს ნორმას და შეინარჩუნონ ძვალ-კუნთის სიმკვრივის ბალანსი.
3. კვებითი პრობლემები ორსულობისა და ძუძუთი კვების პერიოდში
ორსულმა ქალებმა სათანადო ყურადღება უნდა მიაქციონ კვებას ჩვილების ჯანსაღი განვითარებისთვის. კვების გეგმა, რომელიც უნდა დაიცვან ორსულობის თითოეულ ეტაპზე, განსხვავდება და რომელი საკვები და რა პროპორციით უნდა მიირთვათ ორსულებმა, განსხვავდება ასაკისა და სიმაღლე-წონის თანაფარდობის მიხედვით. ამ შემთხვევაში კვება და დიეტა მნიშვნელოვანია ქალებისთვის ჯანსაღი ორსულობისთვის.
ორსულებმა რეგულარული და დაბალანსებული კვების წესები უნდა დაიცვან მშობიარობის შემდეგ და ძუძუთი კვების პერიოდშიც. ვინაიდან დედის რძე შეიცავს ბავშვის განვითარებისთვის აუცილებელ ნივთიერებებს, მნიშვნელოვანია, რომ დედამ ძუძუთი კვების დროს მიმართოს კვების და დიეტოლოგიის განყოფილებას.
4. ბავშვთა კვების პრობლემები
ბავშვობის პერიოდში შეიძლება განვითარდეს ჯანმრთელობის პრობლემები, როგორიცაა ტიპი 2 დიაბეტი, სიმსუქნე და ჰიპერქოლესტერინემია. კვების და დიეტოლოგიის განყოფილება პასუხისმგებელია იმ დაავადებების პრევენციასა და მკურნალობაზე, რომლის განვითარებაშიც უმთავრეს როლს თამაშობს არასწორი და არარეგულარული კვება. ბავშვები უნდა მოერიდონ მავნე საკვებს, რადგან ეს პერიოდი მათი ფიზიკური და გონებრივი განვითარებისთვის ძალიან მნიშვნელოვანია. კვების და დიეტოლოგიის განყოფილება ემსახურება ბავშვთა კვების პრობლემებსა და ამ პრობლემების შედეგად განვითარებულ დაავადებებს.
5. დიაბეტით დაავადებულთა კვების პრობლემები
დიაბეტი, რომელიც ასევე ცნობილია შაქრიანი დიაბეტის სახელით, არასწორი კვების შედეგად გამოწვეულ დაავადებებს შორისაა. შაქრიანი დიაბეტი ითვლება ერთ-ერთ დაავადებად, რომელიც წარმოიქმნება არასაკმარისი არარეგულარული და დაუბალანსებელი კვების შედეგად. იგი მოითხოვს სწორი კვების ჩვევის გამომუშავებას, ორგანიზმისთვის აუცილებელი კვებითი ღირებულებების განსაზღვრასა და საჭირო დოზით მიწოდებას. შესაბამისად, პაციენტის ცხოვრების ხარისხის გაუმჯობესებაში დიეტოლოგიის დარგს მნიშვნელოვანი როლი აკისრია.
6. კვებითი პრობლემები კუჭ-ნაწლავის დაავადებების დროს.
დიეტოლოგიის განყოფილება პასუხისმგებელია კუჭ-ნაწლავის ქრონიკული ან მწვავე დარღვევების მკურნალობასა და პროფილაქტიკაზე. ადამიანებმა, რომლებსაც აქვთ კუჭის პრობლემები, როგორიცაა გასტრიტი, წყლული, საჭმლის მონელების დარღვევა და ნაწლავის პრობლემები - დიარეა, კოლიტი და მალაბსორბცია, აუცილებლად უნდა მიმართონ კვების და დიეტოლოგიის განყოფილებას, რათა მიიღონ ინფორმაცია მათთვის მიზანშეწონილი კვების შესახებ.
7. სტაციონარული პაციენტების კვების პრობლემები
სტაციონარული პაციენტების მკურნალობის ეფექტურობის გასაზრდელად ექიმები ზოგჯერ თანამშრომლობენ დიეტოლოგიის განყოფილებასთან. ექიმების მიერ მიზანშეწონილად მიჩნეულ შემთხვევებში დიეტოლოგები ამზადებენ ახალ კვების პროგრამას პაციენტის ჯანმრთელობის ზოგადი მდგომარეობის გათვალისწინებით. კვებისა და დიეტოლოგიის განყოფილებას ასევე აკისრია პასუხისმგებლობა პაციენტის მიერ კვების პროგრამის რეგულარულად და სწორად შესრულების მონიტორინგში.
8. ინდივიდუალური კვების პროგრამა
ადამიანები, რომელთაც დაბალანსებული და ჯანსაღი კვებისთვის სურთ პერიოდულად გაიარონ რუტინული შემოწმებები და აკონტროლონ წონა, მიმართავენ კვების და დიეტოლოგიის განყოფილებას. მომხმარებლების სხეულის და ორგანიზმის მახასიათებლების გათვალისწინებით დიეტოლოგების მიერ ხდება მათზე მორგებული კვების პროგრამის შედგენა. გარდა ამისა, დიეტოლოგი თვალყურს ადევნებს, ეფექტურია თუ არა ეს პროგრამა კონკრეტული ადამიანისთვის და შეინიშნება თუ არა პროგრესი.
9. სპორტული კვება
სპორტი მოითხოვს ფიზიკურ მომზადებას. მაღალი შედეგების მისაღწევად, რეგულარულ ვარჯიშთან ერთად ძალზე მნიშვნელოვანია ჯანსაღი და ხარისხიანი საკვებისგან შემდგარი კვების პროგრამის შედგენა და განხორციელება.
მედიკანა ჯანდაცვის ჯგუფის დიეტოლოგები სპორტის სახეობის, სპორტსმენის ფიზიკური მომზადების, პიროვნული თვისებების, ზრდის და განვითარების პროცესში ყოფნა/არყოფნის გათვალისწინებით გეგმავენ და თვალყურს ადევნებენ სპორტსმენის კვებას. ისინი განსაზღვრავენ სპორტსმენების კვებით საჭიროებებს როგორც ვარჯიშის პერიოდში, ასევე შეჯიბრების წინ და შემდეგ, რის მიხედვითაც ადგენენ კვების პროგრამას.
10.ალერგია - საკვების აუტანლობა და კვება
კვებითი ალერგია ჩვილობიდან მოყოლებული გავლენას ახდენს ადამიანის ცხოვრებაზე. ამ მიზეზით, ალერგიის მქონე პირების კვებას ყურადღება უნდა მიექცეს მცირე ასაკიდან. დიეტოლოგები ასეთი პაციენტებისთვის ადგენენ სპეციალურ კვების პროგრამას, რათა მოხდეს მათთვის აკრძალული საკვების კომპენსირება.
11. კვება კვების ქცევითი დარღვევის დროს
კვების ქცევითი დარღვევების (ანორექსია, ბულემია და სხვ.) მკურნალობის მიზანი არის კვების ქცევითი დარღვევის აღმოფხვრით საკვებისადმი განსხვავებული მიდგომის შემოტანა და კვების ახალი პრინციპების დამკვიდრება. მედიკანა ჯანდაცვის ჯგუფის დიეტოლოგები მუშაობენ ისეთ საკითხებზე, როგორიცაა კვებითი დარღვევების იდენტიფიკაცია, მკურნალობა, მონიტორინგი, პაციენტების მხარდაჭერა და რეაბილიტაცია.
