გადმოგირეკავთ
რა არის კარდიოვასკულარული ქირურგია?
ორგანო, რომლის მთავარი ფუნქციაა სისხლის გადატუმბვა და სისხლის მიმოქცევის სისტემის მეშვეობით მთელი ორგანიზმის ჟანგბადით და საკვები ნივთიერებებით გაჯერებული სისხლით მომარაგება, არის გული. ეს არის ტუმბო, რომელიც მუშაობს გაუჩერებლად, თავისი ძლიერი კუნთოვანი აგებულებით წუთში საშუალოდ 60-80-ჯერ იკუმშება და დაახლოებით 4-6 ლიტრ სისხლს გადატუმბავს. ის აგროვებს სისხლს ორგანიზმიდან ვენური სისტემის მეშვეობით, აგზავნის მას ფილტვებში ჟანგბადით გასაჯერებლად, ხოლო ჟანგბადით მდიდარ სისხლს არტერიების მეშვეობით აწვდის ორგანოებს. გულ-სისხლძარღვთა ქირურგიის განყოფილება არის მიმართულება, რომელიც მკურნალობს გულ-სისხლძარღვთა სისტემის თანდაყოლილ ან შეძენილ დაავადებებს მედიკამენტური ან ქირურგიული მეთოდებით.
გულ-სისხლძარღვთა დაავადებები სიკვდილიანობის სერიოზულ მიზეზებს შორისაა როგორც ჩვენს ქვეყანაში, ასევე მთელ მსოფლიოში. თანამედროვე მედიცინის უწყვეტი პროგრესის წყალობით ადრეული დიაგნოზით შესაძლებელია მრავალი დაავადების კონტროლი. გულ-სისხლძარღვთა დაავადებების შემთხვევაში, რომლებიც საჭიროებენ ქირურგიულ ჩარევას, პაციენტების მკურნალობას ახორციელებენ ამ დარგის სპეციალისტები.
რა დაავადებებს მკურნალობს გულ-სისხლძარღვთა ქირურგია?
გულ-სისხლძარღვთა ქირურგია მკურნალობს დაავადებებს, რომლებიც დაკავშირებულია გულ-სისხლძარღვთა სისტემასთან.
- კორონარული შუნტირება
- გულის სარქვლის ოპერაციები (სარქველების შეცვლა ან კორექცია)
- მინიმალურად ინვაზიური გულის ქირურგია
- აორტის ანევრიზმის ოპერაციები (კლასიკური და ენდოვასკულარული (დახურული) მეთოდი)
- გულის სიმსივნეები
- პერიფერიული არტერიების დაავადებების ქირურგიული და ენდოვასკულარული (სტენტი, ბუშტით) მკურნალობა
- მწვავე და ქრონიკული არტერიული დაავადებების მკურნალობა (ემბოლექტომია, თრომბექტომია)
- კაროტიდის არტერიის დაავადებები და მათი მკურნალობა
- ვარიკოზული ვენების მკურნალობა (ენდოვენური ლაზერული და რადიოსიხშირული აბლაცია, სკლეროთერაპია/ქაფით სკლეროთერაპია)
- ღრმა ვენების თრომბოზის მკურნალობა
- გულის გარსის (პერიკარდიუმის) დაავადებები
- ვაზოსპასტიური სისხლძარღვთა დაავადებების, ბუერგერის დაავადების, ზოგიერთი ანთებითი სისხლძარღვთა დაავადების, გულ-სისხლძარღვთა დაზიანებების მკურნალობა
ოპერაციები გულ-სისხლძარღვთა ქირურგიის განყოფილებაში
კორონარული შემოვლითი ოპერაცია/შუნტირება:არტერიებს, რომლებიც კვებავს გულს, ეწოდება კორონარული არტერიები. ამ სისხლძარღვებში სტენოზი და ბლოკირება იწვევს გულის შეტევას (მიოკარდიუმის ინფარქტი). დაავადება, რომელიც ვითარდება მაღალი წნევის, შაქრიანი დიაბეტის, მოწევის, სიმსუქნის, სტრესის, უმოქმედობისა და კორონარული არტერიის დაავადების მქონე ადამიანებში, აუარესებს ცხოვრების ხარისხს. კორონარული შუნტირება ტარდება გულის ღია ოპერაციით ნაწილობრივ სტენოზურ ან მთლიანად დაბლოკილ კორონარულ არტერიებზე. ამ პროცედურის დროს სხეულის სხვა ნაწილიდან აღებული სისხლძარღვით დაზიანებული სისხლძარღვის შეცვლა ხდება.
გულის სარქვლების ოპერაცია:გულის სარქველები მდებარეობს გულის კამერებს შორის, იხსნება სისხლის ნაკადის მიმართულებით და შემდეგ უბრუნდება წინა პოზიციას, რაც ხელს უშლის სისხლის უკან დინებას. ქირურგიული ჩარევა საჭიროა შორსწასული უკმარისობის ან გულის სარქველების ძლიერი შევიწროების გამო (რევმატული დაავადება). სარქველების დაავადების მიხედვით (უკმარისობა ან შევიწროება), სარქველების შეცვლა ან რეკონსტრუქცია ხდება გულის ღია ოპერაციით.
ქირურგიული ჩარევები გულის სიმსივნეების დროს: კეთილთვისებიან ან ავთვისებიან წარმონაქმნებს, რომლებიც ვითარდება გულში ან ვრცელდება სხვა ორგანოებიდან, ეწოდება გულის სიმსივნე. ძირითადად, კეთილთვისებიან სიმსივნეებს ეწოდება მიქსომა, ხოლო ავთვისებიან სიმსივნეებს - ანგიოსარკომა და რაბდომიოსარკომა. სიმსივნეების ამოკვეთა გარდა კლასიკური მეთოდისა, ასევე ხდება მინიმალურად ინვაზიური მეთოდით, მკერდის ქვეშ გაკეთებული პატარა ჭრილობებით.
პერიფერიული სისხლძარღვთა ქირურგია: არტერიებს, რომლებიც კვებავს სხეულის ორგანოებსა და ქსოვილებს გულისა და ტვინის გარდა, პერიფერიულ არტერიებს უწოდებენ. ამ სისხლძარღვებში სტენოზისა და ოკლუზიის შედეგად წარმოქმნილ დაავადებებს მკურნალობენ ქირურგიული მეთოდებით, რომელსაც ეწოდება პერიფერიული შუნტირება ან ენდარტერექტომია. პერიფერიული შემოვლითი ოპერაციების დროს გამოიყენება სხეულის სხვა უბნიდან აღებული ვენა ან ხელოვნური ვენა. შორსწასული ათეროსკლეროზის მქონე პაციენტებში, როცა შემოვლითი მეთოდი არაეფექტურია, ტარდება ენდარტერექტომია-ათეროსკლეროზული ბალთით დაზიანებული სისხლძარღვის შიდა გარსის მოცილება. ამის შემდეგ გახსნილი ადგილი იხურება პაციენტის საკუთარი ან ხელოვნური ვენით. ღია ქირურგიის გარდა, ასევე არსებობს პერიფერიულ სისხლძარღვთა დაავადებების მკურნალობა დახურული და ენდოვასკულარული მეთოდებით.
მინიმალურად ინვაზიური კარდიოვასკულარული ქირურგია: ეს არის ქირურგიული მეთოდი, რომლის დროსაც კეთდება მცირე განაკვეთები, რაც უზრუნველყოფს სწრაფ რეაბილიტაციას. ასეთ ოპერაციებში ნაკლებია ტრავმის, სისხლის დაკარგვის, პოსტოპერაციული ტკივილისა და ინფექციის რისკი. მისი კიდევ ერთი უპირატესობა არის შეხორცების მოკლე პერიოდი და უკეთესი კოსმეტიკურ ეფექტი.
მცირე განაკვეთებით შუნტირებისთვის ვენების აღება: შუნტირების ოპერაციების დროს გამოსაყენებელ ვენებს იღებენ ძირითადად პაციენტის ფეხიდან და მკლავიდან. მაშინ, როცა კლასიკური მეთოდით ვენების ამოღება ხდება დიდი ჭრილობების საშუალებით, ენდოსკოპიური მეთოდის დროს კეთდება მცირე განაკვეთები.
მარცხენა პარკუჭის ანევრიზმის მკურნალობა:გულის ინფარქტის შემდეგ გულის მარცხენა პარკუჭის კუნთის რომელიმე მონაკვეთში ბუშტის მსგავს გაფართოებას ეწოდება მარცხენა პარკუჭის ანევრიზმა. ასეთ დროს კუნთი ვერ იკუმშება და ვერ უზრუნველყოფს სისხლის გადატუმბვის პროცესს. ანევრიზმაში შეიძლება წარმოიქმნას თრომბი, ასევე შეიძლება გამოიწვიოს არითმია და გულის უკმარისობა. წარმოქმნილი თრომბის თავის ტვინის სისხლძარღვში გაჭედვამ შეიძლება გამოიწვიოს ინსულტი. მკურნალობის მეთოდები განსხვავდება ანევრიზმის ზომის და წარმოქმნის ადგილის მიხედვით.
აორტის ანევრიზმის ოპერაციები:გულიდან ჟანგბადით გაჯერებული სისხლის გამომტან ყველაზე დიდ არტერიას აორტა ეწოდება. გულიდან გამოსვლის შემდეგ აორტაში გამოყოფენ ასწვრივ აორტას, აორტის რკალს, დასწვრივ აორტას და მუცლის აორტას. აორტის ამ უბნებში შეიძლება განვითარდეს ანევრიზმა-სისხლძარღვის კედლის ტომრის მსგავსი პათოლოგიური გაფართოება. ასეთ დროს აუცილებელია პერიოდული შემოწმება. სასწრაფო ქირურგიულ ჩარევას საჭიროებს გასკდომაზე საეჭვო და სწრაფად მზარდი ანევრიზმები.
კორონარული ანგიოგრაფია:
CGM ტესტი:CGM ტესტი, იგივე კარდიოგონიომეტრია, არის კომპიუტერული გამოკვლევა, რომელიც იძლევა სამგანზომილებიან გამოსახულებას გულისკენ მიმავალ სისხლძარღვებში ელექტრული იმპულსების შესახებ. ეს მეთოდი, რომელიც ასევე ცნობილია როგორც 3D-ECG, ხორციელდება დროის მცირე მონაკვეთში, პაციენტის მოსვენებულ მდგომარეობაში, ზურგზე და მკერდზე მიმაგრებული ელექტროდების დახმარებით, ქიმიური ნივთიერებების ან რადიაციის გამოყენების გარეშე. კლასიკურ მეთოდთან შედარებით CGM ტესტი უფრო სწრაფად გვაძლევს ინფორმაციას გულის შეტევის რისკის არსებობის შესახებ.
ABI ტესტი:Ankle-Brachial Index-ის სახელით ცნობილი გამოკვლევა გამოიყენება პერიფერიული არტერიის დაავადების დიაგნოსტიკაში. პერიფერიული არტერიების დაავადების მქონე ადამიანებში აღინიშნება ზედა ან ქვედა კიდურების მკვებავი არტერიების შევიწროვება და მასთან დაკავშირებული სისხლის მიმოქცევის დარღვევები. ABI გამოკვლევის დროს ხდება ხელებზე და ფეხებზე დამაგრებული მანჟეტებით გაზომილი წნევის შეფასება.
